БА НАФАҚА БАРОМАДАНИ КОРМАНДИ СОБИҚАДОРИ АГЕНТИИ МЕҲНАТ ВА ШУҒЛИ АҲОЛӢ

Санаи 28-уми ноябри соли 2025 ҷомеаи меҳнатии Агентии меҳнат ва шуғли аҳолӣ бо иштироки роҳбарияти Агентӣ, яке аз кормандони собиқадори хизмати давлатӣ, мутахассиси варзидаи Агентии меҳнат ва шуғли аҳолӣ Баротзода Файзуллоро, ки солҳои зиёд дар ниҳодҳои гуногуни давлатӣ фаъолият карда, барои рушди соҳаҳои мухталиф, аз ҷумла шуғли аҳолӣ ва ҳалли масъалаҳои бозори меҳнат низ саҳми арзанда гузоштааст, ба нафақа гусел карданд.

Ба нафақа баромадани корманди собиқадори Агентии меҳнат ва шуғли аҳолӣ — равандест, ки чаҳор ҷанба дорад: ҳуқуқӣ, идорӣ, иҷтимоӣ ва касбӣ.

Ин амал нишонаи он аст, ки корманд давраи пурбору пурмасъулияти касбии худро пешбурд карда, бо шараф ба нафақа мебарояд. Собиқадорон чун дороии маънавии сохтор боқӣ мемонанд ва таҷрибаи онҳо барои идораҳои давлатӣ ҳамчун сармояи кадрӣ арзиши баланди стратегӣ дорад.