ҶАШНИ 33-СОЛАГИИ ПАРЧАМИ ДАВЛАТИИ ҶУМҲУРИИ ТОҶИКИСТОН

Имрӯз кормандони дастгоҳи марказии Агентии меҳнат ва шуғли аҳолӣ бо руҳияи баланд, ифтихори миллӣ ва эҳсоси гарми ватандӯстӣ дар роҳпаймоии бошукӯҳ, ки ба Рӯзи Парчами давлатии Ҷумҳурии Тоҷикистон бахшида шудааст, фаъолона иштирок намуданд.

Ин чорабинии тантанавӣ, ки ҳамасола бо ҳувияти миллии баланд баргузор мегардад, аз маҷмааи майдони «Истиқлол» оғоз ёфта, бо ҳаракати иродатмандона, муттаҳидона ва низомноки иштирокчиён то назди Боғи Парчами миллӣ — ки баландтарин Парчами давлатии Тоҷикистон барафрохта шудааст, идома ёфт. Ин роҳпаймоӣ на танҳо як ҷашни рамзӣ, балки таҷассумгари эҳтиром ба муқаддасоти давлатӣ ва рамзи ягонагии миллат ба ҳисоб меравад.

Иштироки фаъолонаи кормандони дастгоҳи марказӣ дар қатори дигар намояндагони сохторҳои давлатӣ маънои онро дорад, ки онҳо арзишҳои миллӣ, рамзҳои давлатӣ ва идеологияи давлатдориро бо дилу ҷон пуштибонӣ мекунанд. Ҳузури онҳо дар ин ҳамоиши тантанавӣ баёнгари он аст, ки ҷашн гирифтани Рӯзи Парчами давлатӣ танҳо як чорабинии расмӣ нест, балки таҷассумгари худшиносӣ, ваҳдат, ихлос ба давлатдории миллӣ ва садоқат ба арзишҳои таърихии тоҷикон мебошад.

Кормандони дастгоҳ бо парафшонӣ ва эҳтироми хос нисбат ба Парчами миллӣ нишон доданд, ки ин рамзи муқаддас барои онҳо манбаи илҳом, нерӯ, ифтихор ва ҷузъи ҷудонашавандаи рӯҳияи ватандорӣ аст. Роҳпаймоии имрӯза на танҳо як ҳаракати рамзӣ, балки тасдиқи возеҳи он аст, ки дастгоҳи марказии Агентии меҳнат ва шуғли аҳолӣ дар ташаккули муҳити муттаҳид, таҳкими худогоҳии миллӣ ва боло бурдани арҷгузорӣ ба муқаддасоти давлатӣ саҳми арзанда дорад.

Бигзор Парчами давлатӣ ҳамеша парафшон бошад ва кормандони ин ниҳоди муҳими давлатӣ ҳамеша зери сояи он бо эҳсоси баланди масъулият, меҳандӯстӣ ва садоқат ба мардум фаъолият намоянд.