Семинар-машварат

вобаста ба татбиқи “Стратегияи муқовимат ба экстремизм ва терроризм

дар Ҷумҳурии Тоҷикистон барои солҳои 2021-2025”

         Санаи 14 март дар Агентии меҳнат ва шуғли аҳолӣ ҷиҳати дар амал татбиқ намудани Фармони Президенти Ҷумҳурии Тоҷикистон аз 1 июни соли 2021, №187 “Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025”, бо иштироки намояндагони Прокуратураи генералии Ҷумҳурии Тоҷикистон  ва Вазорати корҳои дохилии Ҷумҳурии Тоҷикистон  семинар-машварат доир гардид. Дар чорабинӣ сардорони раёсату шуъбаҳо, мудирони бахшҳо, сармутахассисон, мутахассисони пешбар ва мутахассисони дастгоҳи марказии Агентӣ, мақомоти меҳнат ва шуғли аҳолӣ дар ноҳияҳои шаҳри Душанбе, директорон, сармуҳосибон ва омўзгорони муассисаҳои таълимии касбии системаи Агентӣ ширкат варзиданд.

        Чорабинии мазкурро муовини якуми директори Агентии меҳнат ва шуғли аҳолӣ Иброҳимзода Саидакбар Ҳомидҷон ифтитоҳ намуда, қайд гардид, ки Асосгузори сулҳу Ваҳдати миллӣ– Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чандин маротиба аз минбарҳои Созмони Милали Муттаҳид ва дигар ташкилотҳои бонуфузи байналмиллалӣ таъкид намуданд, ки террорист - ватан, миллат ва дину мазҳаб надорад. Гузашта аз ин, зуҳуроти даҳшатноку нафратовари терроризм, ки аксаран таҳти шиорҳои диниву мазҳабӣ сурат мегирад.

          Ҳамзамон, зикр гардид, ки баргузории  чорабинии мазкур ҷиҳати дар амал татбиқ намудани Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025, баҳри баланд бардоштани сатҳи маърифати ҳуқуқии кормандони дастгоҳи марказӣ ва зерсохторҳои Агентӣ инчунин, иттилоотонии онҳо оид ба роҳҳои пешгирии терроризм  ва экстремизм дар шароити муосир, равона  гардидааст.

         Дар рафти чорабинии мазкур Прокурори Маркази ягонаи иттилоотӣ оид ба пешгирии экстремизм, терроризм ва киберҷиноятҳои Прокуратураи генералии Ҷумҳурии Тоҷикистон, ҳуқуқшиноси дараҷаи 1, Маҳмуродзода Сиёвуш Алихон оид ба муаррифии нуқтаҳои асосӣ, мазмун ва муҳтавои “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” ва амалисозии он инчунин, “Барномаи барқарорсозӣ, ба ҳаёти муқаррарӣ мутобиқ намудан ва бо ҷойи кору тахсил таъмин намудани занону кўдакони аз минтақаи амалиётҳои ҷангӣ баргардонидашуда барои солҳои 2023-2027”, “Барномаи барқарорсозӣ ва реинтегратсияи шахсони дорои гузаштаи экстремистӣ ё террористӣ дар Ҷумҳурии Тоҷикистон барои солҳои 2024-2028” ва муовини сардори шуъбаи пешгирӣ ва барҳамзании ҷиноятҳои хусусияти экстремизмдоштаи Маркази муқобилиятсозӣ бар зидди экстремизми Раёсати мубориза бар зиддии ҷиноятҳои мутташакили Вазорати корҳои дохилии Ҷумҳурии Тоҷикистон, майори милитсия, Амирзода Фируз Ҷумъа вобаста ба мавзўи “Терроризм ва ифротгароӣ дар байни ҷавонон – механизмҳои паҳншавӣ, ошкор ва технологияи пешгирӣ” ва “Таснифи умумии ташкилотҳои террористӣ ва экстремистӣ дар Ҷумҳурии Тоҷикистон” суханронӣ намуданд.

          Дар фарҷоми чорабинӣ қайд гардид, ки дар чунин шароит вазифаи имониву муқаддаси ҳар як фарди бонангу номуси миллат  таблиғи бедории миллӣ, зиракиву ҳушёрии сиёсӣ, ҳисси баланди ифтихори ватандориву ватандўстӣ, густариши ғояҳои худогоҳиву худшиносии миллӣ ва муҳимтар аз ҳама, таҳкими ваҳдати миллӣ мебошад.

                                                                                                                                                                                                        Шуъбаи ҳуқуқи дастгоҳи марказии

                                                                                                                                                                                                        Агентии меҳнат ва шуғли аҳолӣ